الاستفسارات الخاصة بالابحاث وكيفية عملها وتقديمها

 
الاستفسارات الخاصة بالابحاث وكيفية عملها وتقديمها

الاستفسارات الخاصة بالابحاث وكيفية عملها وتقديمها 

 

التسجيل على موقع الابحاث الخاصة بوزارة التربية والتعليم وكيفية تقديم البحث .

السلام عليكم ورحمه الله وبركاته .

نظرا للظروف التى تمر بها البلاد حاليا الخاصة بفيرس كورونا فقد الغت وزارة التربية والتعليم امنتحانات معظم الفصول الدراسية واستبدلت هذة الامتحانات بابحاث يقدمها الطالب عن طريق التسجيل على المنصة الالكتروتية للوزارة ولكون هذا الموضوع جديد عليكم اقدم لكم شرح كيفية التسجيل وتقديم الابحاث

وارجو ان يكون وفقنى الله وان تجدوا فى الموضوع كافة استفسارتكم

س : ما هو البحث ده وازاى الطلبة تعمله ؟

ج : الطالب يفتح موقع كود الاختبارات الخاصة بالوزارة

بالرقم القومى الخاص به وموجود بشهاده الميلاد ولكل طالب كود الرابط له هو http://studea.emis.gov.eg/

س : بعد ما ناخد الكود هنعمل ايه بالكود ده ؟

ج : احتفظ بالكود ده لانه هو الكود اللى الوزارة هتبعت لك الاختبارات عليه بعد يوم 2 ابريل

س : يعنى هفتح الموقع تانى علشان اشوف الاختبارات المطلوبة منى فى كل مادة صح كدة ؟

ج : بالضبط كدة

س : وطيب وبعد كدة ؟

ج : تشوف اختبار كل مادة اسئلتها ايه وتحاول تجاوبها فى ورق عادى او مطبوع زى ما تحب بس بشرط عدم النقل من الاخرين او يكون جاهز من المكتبات

س : وبعد ما انتهى من البحث المطلوب فى المادة المفروض اعمله بيه ايه ؟

ج: هتفتح صفحتك على موقع اسمه ادمو الرابط بتاعه ده https://edmodo.org/ وهو منصة تعليمية بها صفحة لكل طالب هتدخلها بالرقم القومى بتاعك برضه

س : يعنى ده موقع تانى غير موقع الاكواد ؟

ج : ايوة بالضبط كدة

س: بعد ما افتح الموقع ده وافتح صفحتى عليه اعمل ايه فيه؟

ج: هترفع البحث بتاعك بصيغة ورد WORD او بى دى افPDF على المنصة الالكترونية

س : يعنى ايه ارفعه على المنصة ؟

ج : يعنى انت هتكتبه فى الكمبيوتر عادى كانك بتكتب اى ورقة وهتعملها حفظ على سطح المكتب مثلا باسم اختبار رياضيات وبعد ما تفتح موقع ادمو هتدخل على صفحك هتلاقى فى رمز او ايكونة عليها رفع الملفات ( او تحميل ملفات ) هتضغط عليها هيفتح معاك نافذة علشان تشوف مكان حفظ ملفك انت حافظه فين واول ما تلاقيه هتضغط عليه ثم تضغط على كلمة موافق هيترفع معاك الملف ويقولك تم التاكيد

س : يعنى كدة خلاص ؟

ج : ايوة بس انت حملت اختبار مادة واحدة هتعمل نفس الكلام مع باقى اختبارات باقى المواد المطلوب منك ابحاث فيها

س : وهل هتظهر لى نتيجتى مباشرة ؟

ج: لا طبعا لسه المعلمين هيدخلوا على المنصة الالكترونية ويشوفوا كل بحث من ابحاث الطلبة بتوعه

س : طيب مثلا انا ماعنديش نت ومش بفهم فيه وامكانياتى المادية ماتسمحليش اروح سيبر او كافيه نت اتصرف ازاى ؟

ج: الوزارة بتسهل عليك الموضوع وبتقولك مدام كتبت البحث وطبعته وماعندكش امكانية ترفعه ممكن تسلمه باليد الى ادارة المدرسة اللى انت فيها

س : طيب افترض مثلا انى ماعملتش البحث ده ايه اللى هيحصل  ؟

 هتضطر تيجى قبل زمايلك السنة الجاية باسبوعين قبل الموعد الرسمى للدراسة وبرضه لازم تقدم بحث والا الوزارة هتعتبرك راسب وتعيد السنة

س : والكلام ده لحد امتى ؟

ج : معاك شهر ونصف يعنى لحد 15/5/2020 م

س : طيب هل الاختبار ده فى المنهج كله ؟

ج : طبعا لا الوزارة قالت الاختبارات فى المنهج لحد 2020/3/15 م بس يعنى اللى بعد كدة مالكش دعوة بيه

س : طيب الاسئلة ايه نوعها ؟

ج : اسئلة سهلة وبسيطة تعتبر زى الواجب بتاع البيت

google-playkhamsatmostaqltradent